En tödliche Unfall het de Podeschtplatz vom Tom Lüthi in San Marino überschattet...
Bim GP von San Marino chunts i de Moto2-Klass 14 Rundene vor Schluss zumene fürchterliche Sturz in de Spitzägruppe.

zmittztinä isch de Engländer Scott Redding und dä 19-jährig Japaner Shoya Tomizawa, desse Hinterrad plötzlich uusbricht. wärbi wird dä am Bode ligendi Japaner gad vo zwei ufenand folgende töff überrollt.

Während de Tomizawa über de Asphalt rutscht, wird er vom Alex de Angelis und Scott Redding überfahre. De Suter-Fahrer erliidet Frakture am Oberkörper und ää Schädelbruch. Aber no vill schlimmer: Es trättet inneri Bluetige uuf...

Nachemene Herzstillstand wird de Tomizawa nebet de Strecki zerscht wiederbelebt. Was zu dem Ziitpunkt no niemert weiss: d Ärzt chönd sis Läbe nümme rette. Tomizawa wird mit de Barre abtransportiert, und stirbt 14.20 Uhr ufem weg is Spital..
und ich chans verdammtnomal immernanig glaube...
Als grosse Töfffreak und Moto2-gucker, bini en grosse fan vom ihm gsi... nur scho elei weg sinere art, weg sinere lockerheit und Muet als 19-Jährige i dere Klass... hanen so bewunderet..
Ussert es Autogramm uf mim alte Töffhelm wo nebet em Tom Lüthi isch, blibet wohl nurnoa Videos und Gedanke vo ihm erhalte..
R.I.P. Shoya Tomizawa
sorry, het usämöse..